ان كان الضد بداخلي يحارب للخروج

فكيف لانسانيتي ان تسود

فإن أحببت يوما لن احتمل الكراهية

فالابتعاد خيرا وابقا حتى وان اطلق عليه الغير هروب

لست غجرية ولكن بداخلي اسود

تزائر للحرية

َليس لفتك المشاعر أو تخطي الحدود

انا عاشقة حتى النخاع

وان ظهر مني اني غير مبالية

انا سعيدة وبداخلي دموع

انا ثورية وان ظهر عليا الخنوع

انا تلك الطفلة وان ملاء الشيب رأسي

انا كل انعكاسات الإنسانية

ولكني افضل السلم دوما

فالخير لي أن سلمت وسلم الناس مني

وتلك هي المعادلة الشقية

فكنت كل الانعكاسات وسأظل فإنني بشرية

وقتالي لأجل البقاء سيبقى فهي غريزة طبيعية

لكنني أَثَرَ السلم دوما وليختباء الضد وابقى تلك الطفلة العفوية

#سماح_حمدي

يقول د.أحمد خالد توفيق:

المرأة الخيالية او الحالمة هى الجحيم ذاته لانها لن تجد من تبحث عنه ابدا لن تجد فارسها وسوف تكتفى بتعذيب البائس الذى رضيت به!

وهذا ردي علي

وكيف تعذب البائس

وهي الحالمة

فسعيها لتحقيق حلمها

سيظل يروادها

فترفع بشأن البائس

وان لم يرتفع

ستحزن وتنزوي

وتفقد بريق عيناها

والشغف

وتموت بالبطيئ لعلها

تجد الرحمة بين ايادي

ربها.. فهو العالم بحالها

وعجبي من بائس منحه

الرحمان الحالمة

ويبحث بين الوجوه عن

المشعننة

وعجبي

#سماح_حمدي

حلم يخطفك ..

من احلى الحاجات اللى ممكن تحلى بيها حياتك .. بس للأسف ومع الأسف بتيجى لك 

كل فترة وملكش فيها يد أنك تحلم بحد بتحبه وفى قلبك ساكن بكل ملامحه وتفاصيله .. 

ويكون معاك فى الحلم زى ما كان فى حياتك .. حتى لو فى الحلم مزعلك أو زعلان

 منك وتصحى من النوم .. .. عندك أحساس جميل كأنك لسة شايفه حاسه ولمسه .. 

الله على حلم يخطفك من نفسك وتحس نفسك مش نفسك

تحس نفسك سعيد .. تحس روحك رجعتلك تانى .. وتصحا بلمعة فى عنيك بقالك 

زمان مش بتشوفها فيك ...

احلى دماغ .. نسيتها من زمان ..


من وقت للتانى دور على نفسك وشوف انتا أو أنتى عايزة تعملى اية عشان تبقى أو تبقا احسن .. بناتى ناموا .. خلصت اللى ورايا وقعدت اسمع فيروز وخصوصا الكليب دا عملى دماغ نسيتها من زمان .. 

يارب يعجبكم .. بس ياريت محدش يدعى عليا ..

 

بسم الله الرحمن الرحيم
السلام عليكم ورحمة الله وبركاته 

هذا الموضوع فكرت فيه كتير بس يوم الخميس صحيت من النوم مسيطر عليا فكرة واحدة هى عمرى اللى بيعدى من بين ايدى راح فين واية اللى حصلت عليه فيه التعليم العالى طب ما أنا قاعدة فى البيت .. شقتى مش مضمون انها تفضل شقتى .. زوجى مش مضمون القلوب بتتقلب من لحظة والتانية .. بناتى يمكن دول اكتر حاجة شغلتنى قوى لأنهما لسة صغيرين جدا ونفسى فعلا ربنا يبارك فى عمرى لحد ما يوصلوا بر الأمان ..

بس فى سؤالين شغلونى قوى شغلونى لدرجة انى لازم افوق بقا واجاوب عليهم وبسرعة واجدد فى حياتى حاجات كتير
حاجات يمكن عمرى اللى فات الـ 35 سنة اللى فاتوا مش هعيش قدهم ويمكن بعد ما أكتب موضوعى دا ما كنش معاكم تانى .. كله فى علم الغيب والسؤالين هما 

إلى أين .. وإلى متى .. ؟ !

إلى أين هصل وأنا كل اللى بعمله فى الدنيا بأكل وبشرب وبنام وبنفض وبرتب وبربى وخلاص ..

إلى متى .. ؟ !

إلى متى .. هفضل غافلة عن الهدف الحقيقى لحياتى 

وافتكرت بسرعة حديث رسول الله .. 

(حديث مرفوع) أَخْبَرَنَا أَبُو عَبْدِ اللَّهِ الْحَافِظُ ، أَنْبَأَنَا أَبُو مُحَمَّدٍ عَبْدُ الْعَزِيزِ بْنُ عَبْدِ الرَّحْمَنِ الدَّبَّاسُ ، بِمَكَّةَ ، ثنا مُحَمَّدُ بْنُ عَلِيِّ بْنِ زَيْدٍ الْمَكِّيُّ ، ثنا مُحَمَّدُ

بْنُ بَكَّارٍ ، ثنا حُصَيْنُ بْنُ نُمَيْرٍ أَبُو مِحْصَنٍ ، عَنْ حُسَيْنٍ ، عَنْ عَطَاءٍ ، عَنِ ابْنِ عُمَرَ ، عَنِ ابْنِ مَسْعُودٍ رَضِيَ اللَّهُ عَنْهُ , عَنِ النَّبِيِّ صَلَّى اللَّهُ عَلَيْهِ وَسَلَّمَ

, قَالَ : " لا تَزُولُ قَدَمُ ابْنِ آدَمَ يَوْمَ الْقِيَامَةِ حَتَّى يُسْأَلَ عَنْ عُمُرِكَ فِيمَا أَفْنَيَتَهُ
، وَعَنْ شَبَابِكَ فِيمَا أَبْلَيْتَهُ ، وَعَنْ مَالِكَ مِنْ أَيْنَ اكْتَسَبْتَهُ وَفِيمَا أَنْفَقَتَهُ ،

وَمَا عَمِلْتَ فِيمَا عَلِمْتَ " 

وبسرعة قررت انقل لكم اجابتى على السؤالين إلى أين هصل بعمرى


إلى ان يشاء الله بما يرد الله .. هتوكل عليه واترك له امرى وارضا بقضائه عشان ارتاح وانتظر فضله عشان مليش غيره ..
إلى متى .. ؟ !

إلى هذه اللحظة التى يجب فيها ان افيق من غفلتى واعلم اننى خلقت لله حياتى كلها لله كل انفاسى لله .. وانى خلقت للعبادة للعبادة ولتقوى الله .. والحمد لله انى اتقى الله ولكن الشيطان يدخل لى احيانا حتى اغفل عن تقوى الله .. ونفسى الامارة بالسوء تدفعنى لتطلعات لا يعلم تأثيرها عليا غير الله ..
لذا قررت ان انفض عن روحى ثقل الدنيا واعيش لله اتعبد اصوم اذكر ابتهل اتقرب اليه بالنوافل اقدمه عن اى شيئ على كل شيئ عن نفسى عن بيتى عن بناتى عن زوجى عن اهلى ..
والنتيجة شفتها بعينى لما نفذت دا فى احد الأيام القريبة بناتى بقوا اهدا .. زوجى بقا اقرب .. اهلى بقوا احن .. صحباتى بقوا بيسئلوا عليا .. بقيت انسانة اسعد .. بس اكثر ما يسعدنى انه يرضا عليا ويعفو عنى ونفسى يصل اليا شهر رمضان وأنا على هداية وتقوى ولله اقرب .. 

عشان كدة لازم تجرى عليه تروحى عنده وتسأليه من فضله العظيم وعفوه وجوده وكرمه .. لازم تحبيه ورسوله أكثر من اى حد الله ثم الله ثم الله

وعمرك تلحقيه لحسن يضيع فيما لا يحب وشبابك بدل ما يضيع فيما يكره ..

ومالك تشوفى اكتسبتيه من اين و بتنفقيه فى اية قبل ما يفوت الاوان .. واللى اتعلمتيه فى حياتك علمتيه لمين بنية ارضاء الله ورسوله 
أنا مش هطول عليكم بس كان نفسى اتكلم معاكم كتير بس فعلا الفعل احب اليا من الكلام ويارب اكون افادتكم لوجه الله تعالى وافادة نفسى
انى احبكم فى الله .. وكل عام وانتم بأتم صحة واسعد حال ان شاء الله 

اختكم فى الله شهرزاد أم لولى وتاتى ..

مكتبة لعرض القصص من صنع ايديا وكلها من الكرتون .. 

أنا عاشقة للكرتون بحسه حاجة كلها فؤائد برغم انها مهملة .. وكان عندى 

كارتون بشكل معين يشبه الحامل كان محطوط فى زوايا السبورة الذكية فى عملى .. 

فقمت بتصنيع مكتبة لعرض القصص بعملى واتكلفت 21.50 ج ولكنها اضافت شكل 

جمالى ومحدش بيصدق أنها كارتون يارب تعجب ..

النهاردة .. هحلى أيامى بحاجة بسيطة جدا جدا يارب تعجبكم ..

لما بحب اخزن الاشياء الخاصة بشغلى أو كتب ليا أو أدوات 

أو العاب خاصة ببناتى بحب أحتفظ بيها فى اشياء جميلة 

شكلها حلو فحلى أيامك بأبسط الاشياء وذوق الدنيا من 

حواليك على فكرة دى كارتونات فارغة بتاعة ورق التصوير .. 

واستيكر بيتابع بالمتر المتر فى مصر بـ 3.50 ج 

وتنفيذها سهل جدا بس بتعطى شكل جمالى وظريف ... 

يارب تعجبكم ..